عربيتي

أول ما المحامي قال
دي قضية استيلاء على ممتلكات، وتزوير محررات، واستخدام أوراق رسمية بدون إذن صاحبها.
الصالون كله سكت.
حتى حماتي…
اللي كانت من شوية بتتكلم بمنتهى القوة، قعدت على الكنبة وهي بتقول بصوت مهزوز
هو… الموضوع مستاهل كل ده؟
المحامي قفل الملف وقال بهدوء
حضرتك شايفة إنه مش مستاهل، لكن القانون شايف غير كده.
كريم حاول يضحك.
يا أستاذ… إحنا أهل.
المحامي بص له وقال
القانون مفيهوش كلمة اسمها أهل لما يبقى في عربية اتباعت من غير موافقة صاحبها.
محمد قام من مكانه بسرعة.

وقال وهو بيبصلي
هبة… إحنا هنحل كل حاجة.
سألته
إزاي؟
قال
هنرجعلك فلوس العربية.
قلت
دلوقتي؟
سكت.
قال
يعني… على أقساط.
ضحكت.
لأ.
أنا مش عايزة أقساط.
أنا عايزة عربيتي.
كريم ضــ,,ـــــرب كف على كف.
يا شيخة افهمي… العربية خلاص اتباعت.
بصيتله بثبات.
وقلت
لسه إجراءات نقل الملكية ما خلصتش… صح؟
وشه اتغير.
عرفت من نظرته إني أصبت.
لفيت للمحامي.
ينفع نوقف نقل الملكية؟
ابتسم.
وقال
لو اتحركنا دلوقتي… أيوه.
حماتي قامت فجأة.

حرام عليكم.
العريس فرحه بعد شهر.
بصيتلها.
وقلت
وأنا مالي؟
قالت بعصبية
يعني هتخربي جوازة أخو جوزك عشان عربية؟
رديت بمنتهى الهدوء
لأ.
هو اللي خربها يوم ما باع ملك غيره.
كريم بدأ يفقد أعصابه.
إنتي مش هتشوفي مني جنيه.
قلت
وأنا مش جاية آخد منك جنيه.
أنا جاية آخد حقي.
في اللحظة دي…
المحامي طلع موبايله.
وقال
أنا هبلغ إدارة المرور توقف أي إجراء على العربية.
كريم جري ناحيته.
استنى.
المحامي رفع إيده.
ابعد.

محمد شد أخوه لورا.
وكان لأول مرة…
الخوف باين في عينه.
بعد أقل من نص ساعة…
تليفون مدير المعرض رن.
رد.
واتكلم دقيقتين.
وبعدين ابتسم.
وقال
تمام.
بصلي.
وقال
تم وقف إجراءات البيع رسميًا.
كريم حس كأن الأرض بتتهز من تحته.
صرخ
إزاي؟
مدير المعرض قال
العربية قانونيًا لسه باسم مدام هبة.
وأي تصرف عليها اتجمد.
حماتي بدأت تعيط.
يا خراب بيتي.
لكن المفاجأة الأكبر…
كانت لما مدير المعرض فتح الملف مرة تانية.

وقال
في حاجة نسيت أقولها.
كلنا بصينا له.
قال
العربية لسه عندنا.
شهقت.
يعني ما خرجتش؟
هز رأسه.
لا.
إحنا كنا مستنيين إنه يجيب صاحبة العربية تمضي.
لكن لما فضل يماطل…
شكينا في الموضوع.
كريم بقى لونه أبيض.
مدير المعرض كمل
العربية موجودة في مخزن المعرض.
ولا حد لمسها.
حسيت لأول مرة من ساعة رجوعي…
إني قدرت أتنفس.
لكن لسه في حاجة.
بصيت لكريم.
وقلت
والفلوس؟
سكت.
المحامي قال
الفلوس اللي استلمها هيتحاسب عليها.

محمد مسك راسه بإيده.
وقال
يا كريم… قول الحقيقة.
فضل ساكت دقيقة كاملة.
وبعدين قال بصوت
واطي
أنا… ما استلمتش تسعمية ألف.
كلنا بصينا له.
قال
أنا استلمت مليون.
مدير المعرض عقد حواجبه.
مليون؟
كريم نزل رأسه.
الباقي…
خدته من واحد تاجر عربيات كان هيشتريها بعد نقل الملكية.
المحامي وقف مرة واحدة.
وقال
يعني إنت بعت العربية مرتين؟
كريم ما ردش.
لكن سكوته…
كان اعتراف بكل حاجة.

أما أنا…
فاكتفيت إني أبص لمحمد وأقول جملة واحدة
فاكر لما قلتلي من شوية…
بلاش تضغطي على الناس؟
سكت.
قلت
واضح إن اللي كان محتاج يتضغط…
مش أنا.
يتبع…
الجزء الخامس
بعد ما كريم اعترف إنه قبــ,,ـــــض مليون جنيه…
الصالة كلها غرقت في صمت مرعب.
محمد كان أول واحد اتكلم.
بص لأخوه بصدمة وقال
إنت نصبت علينا كلنا؟
كريم رد بسرعة
أنا ما نصبتش على حد.
كنت ناوي أرجع كل حاجة.
ضحكت بسخرية.
ترجعها إمتى؟
بعد ما العربية تتباع مرتين؟

مدير المعرض قفل الملف وقال بجدية
من اللحظة دي. .. إحنا هنبلغ الإدارة القانونية عندنا بكل اللي حصل.
كريم اتوتر.
وبدأ يتوسل.
أرجوكم… بلاش.
أنا هحل كل حاجة.
المحامي رد عليه بهدوء
الحل كان قبل ما تستخدم أوراق مش بتاعتك.
وفجأة…
رن موبايل كريم.
بص للشاشة، واتغير لون وشه.
حاول يقفل المكالمة.
لكن مدير المعرض قال
رد.
رد وهو مرتبك.
جاله صوت عالي من الناحية التانية
إحنا مستنيين العربية من الصبح.
هو إنت بتلعب بينا؟
لو العربية ما وصلتش النهارده… رجع العربون فورًا.
كل اللي في الصالة سمعوا المكالمة.

أول ما قفل…
حماتي بصت له بذهول.
إيه العربون ده؟
كريم بلع ريقه.
وقال بصوت واطي
خمسين ألف جنيه.
محمد صرخ فيه
إنت خدت عربون كمان؟!
كريم حاول يبرر.
كنت هسلمه العربية أول ما الورق يخلص.
محمد فقد أعصابه لأول مرة.
راح له ومسكه من هدومه.
وقال
إنت ورطتني.
أنا اللي فتحتلك الخزنة.
وأنا اللي اديتك الورق.
كنت فاكر إنك هتستبدل العربية بس.
كريم زقه بعيد.
وقال بعصبية
إنت كمان موافق.
دلوقتي جاي تعمل فيها بريء؟

الجملة دي…
خلت محمد يسكت.
لأنه عارف إنها صحيحة.
هو صحيح ما باعش العربية بنفسه…
لكن هو اللي سلّم كل الأوراق.
بصيت لهم الاتنين.
وقلت
أخيرًا بدأتوا تقولوا الحقيقة.
حماتي جريت ناحيتي.
ومسكت إيدي.
وقالت وهي بتعيط
يا بنتي… اعتبري اللي حصل سوء تفاهم.
سحبت إيدي بهدوء.
وقلت
سوء تفاهم؟
يعني فتح خزنتي، وسرقة أوراقي، وبيع عربيتي، وصرف فلوسي…
كل ده سوء تفاهم؟
ما عرفتش ترد.
المحامي قال
مدام هبة، أنصح حضرتك من دلوقتي ما تتناقشيش أكتر.

كل كلمة بتتقال قدامنا بتتسجل.
وفعلًا…
كنت من أول ما دخلت البيت…
مسجلة كل حاجة.
اعتراف كريم.
واعتراف محمد إنه فتح الخزنة.
واعتراف حماتي إن الفلوس اتصرفت على الجواز.
كل حاجة.
بعد حوالي ساعة…
إحنا كنا قاعدين في قسم الشرطة.
الضابط قعد يسمع التسجيلات واحدة واحدة.
ولما خلص…
رفع عينه وبص لمحمد.
وقال
إنت بنفسك بتقول إنك فتحت خزنة مراتك وسلمت أوراقها.
محمد حاول يشرح.
أنا كنت فاكر…
الضابط قاطعه.
القانون مالوش دعوة إنت كنت فاكر إيه.
وبص لكريم.

وإنت معترف إنك بعت العربية وقبــ,,ـــــضت الفلوس.
كريم نزل راسه.
حماتي فضلت تبكي طول الوقت.
وبعد ساعات من التحقيق…
صدـ,,ـــر القرار الأول.
التحفظ على كل أوراق صفقة البيع.
ووقف أي تعامل على العربية.
واستدعاء كل الأطراف اللي شاركوا في الصفقة.
وأول ما خرجنا من القسم…
محمد وقف قدامي.
كان شكله مكسور.
وقال