علاء ضحك و حاول يطمني وقالي ان انا مكبرة الموضوع زيادة عن اللزوم وان حب البنات
مش هيقلل من حبهم ليا ابدا لكن علشان هما لسه صغيرين بيتعلقوا اكتر باللي بيقعد معاهم ويلعب معاهم كتير انما حبهم ليا عمره ما هيقل .
بعد كده جالي سفر لاوروبا علشان اخلص شغل للشركة طلبت من علاء انه يسافر معايا منها للفسحة وفي نفس الوقت يعرض حالته علي الاطباء بره يمكن يكون له عملية تعالج الاعاقة اللي في رجله و ترجعه سليم لكن علاء قالي انه مش هيقدر يسيب الشركة
سافرت اوروبا لوحدي مع ماجد المدير المالي للشركة .
ورغم ان ماجد كان انسان منفصل لكن كان بيتعامل معايا بمنتهي الاحترام .
لكن اثناء سفرنا اللي استمر اسبوعين اتكلمنا كتير مع بعض ولقيت نفسي بحكي له علي مشكلتي مع بناتي .
لقيت ماجد بينصحني ! خصوصا ان البنات !! لكن دلوقتي لما حكيت ظروفي
مع اطفالي وخصوصا انه عارف اعاقة جوزي فالأفضل اني انفصل عنه
فضل يوعدني انه هيسعدني وهيلبي لي كل طلباتي وهيخليني اسعد واحدة في الدنيا .
كان ردي عليه اني بحب جوزي حب شديد وعمري ما افكر اسيبه ابدا .
عرضت التقارير الطبية لحالة علاء علي الاطباء هناك و كان الرد
ان الحالة ممكن تتعالج لكن هتحتاج لملايين كتير مش معانا دلوقتي
خلصت شغلي ورجعت واشتريت هدايا كتير لعلاء وللبنات
عرفت علاء بأن حالته ممكن تتعالج لكن لازم نستني لغاية لما نكمل المبلغ المطلوب للعملية .
رجعت شغلي وعدا كام يوم والامور ماشية طبيعية جدا لغاية ما في يوم اتصلت علي علاء لكن تليفونه كان مشغول . فضلت اتصل عليه كتير وتليفونه مشغول لدرجة اني معرفتش اكلمه
كنت في طريقي للبيت عديت علي الشركة وانا زعلانه علشان تليفونه كان مشغول لوقت طويل .
لما وصلت الشركة لقيته مش موجود ولما سألت عنه موظف في الشركة رد وقالي ازاي يا هانم ده استاذ علاء بيفضل يكلم حضرتك طول النهار كل يوم !!!!!!
كلام الموظف كان صدمة ليا !!! وفضلت افكر علاء بيكلم مين كل يوم طول النهار
معقول علاء بيعرف واحدة غيري
مش ممكن ابدا !! بعد كل الحب اللي بينا ده ازاي يجيله قلب يعمل كده
بعد كل اللي عملته علشانه ده انا وقفت جنبه وضيعت وقتي ومجهودي وفلوسي علشانه !!! ولما فكر بس انه يعمل مشروع عملتله المشروع بفلوسي وكتبته باسمه !!!! وكمان اشتريت له عربية باسمه بفلوسي !!!
ده انا حياتي كلها ضيعتها علشان ارضيه واعوضه عن اللي حصله ونسيت نفسي علشان افتكره هو !!! يبقي في الاخر هو ده جزائي
فضلت افكر كتير لحد ما وصلت البيت لكن قولت لنفسي بلاش تظلميه لحد ما تتأكدي يمكن تكوني فاهمة غلط !!! لازم اتأكد الأول
للكاتب عادل عبد الله
الحلقة الثالثة
فضلت افكر كتير لحد ما وصلت البيت لكن قولت بلاش تظلميه لحد ما تتأكدي يمكن تكوني فاهمة غلط !!! لازم اتأكد الأول .
طلعت البيت وحاولت اتظاهر بأني طبيعية جدا لحد لما علاء رجع البيت .
وحضرت الأكل وقعدنا ناكل انا وعلاء وقولت له علفكرة انا النهاردة اتصلت عليك كتير لكن تليفونك كان مشغول
ايوة يا حبيبتي كنت بتكلم مع عميل للشركة بنتفاوض علي صفقة بس تصدقي يا حبيبتي كان رخم اوي وطلع عيني في التفاوض .
وبعدين يا حبيبي عملتوا ايه
بردو مش اتفقنا اضطرينا نأجل الكلام لبكره
ربنا يوفقك يا حبيبي .
كنت حافظة الباسوورد لتليفونه بدون ما يعرف استنيت لما دخل الحمام ودخلت علي الواتس والماسنجر مكانش فيهم حاجة
دخلت علي تسجيل المكالمات لقيت مكالمات كتير لرقم مش محفوظ علي التليفون وكانت مدتهم طويلة هبقي اقولك نتقابل امتي في الوقت المناسب !!!!!
لدرجة ان الموبايل كان هيقع مني .
اخدت كل المكالمات دي وحفظتها علي تليفوني علشان اسمعها في وقت تاني لما اكون لوحدي
نزلت مني دموعي بفتكر كل اللي عملته علشانه !!!
كده خلاص ثبتت
لكن انا لازم افهم كل حاجة لما اسمع المكالمات هفهم كل حاجة هعرف هو دلوقتي بيفكر في ايه من ناحيتي
حسيت ان علاء بيخرج من الحمام حطيت موبايله مكانه و مسحت دموعي بسرعة وحاولت امثل ان عندي صداع شديد علشان ادخل اقعد في اوضتي لوحدي .
دخلت اوضتي وقعدت علي سريري ومسكت تليفوني وانا ھمـ,ـوت علشان افتحه واسمع المكالمات !!!
لكن كنت خاېفة اسمع المكالمات يدخل علاء ويعرف اني كشفت . مش خاېفة منه هو انا بس كنت عاوزة
اعرف وافهم كل حاجة قبل ما افكر اواجهه .
حاولت انام لكن كان التفكير بېقـ,ـتلني معرفتش انام لحد الصبح وقومت زي كل يوم وصحيته وفطرنا مع بعض ونزلت اروح شغلي .
ركبت العربية ومشيت وبدأت اشغل المكالمات واسمعها .
بعد اقل من نص دقيقة لما ركزت في الصوت دوست علي فرامل العربية باقصي قوة وانا مش مصدقة وداني و بقول يا نهار
اسود يا نهار اسود . طلعت ازازة ميه كانت معايا في العربية ورشيت ميه علي وشي يمكن افوق من الحلم ده .
لكن للاسف اتأكدت انه حقيقة مش حلم
قعدت في العربية وسمعت مكالمات
من الصدمة رميت الموبايل والسماعة في العربية ونزلت وقفلت العربية و مشيت في الشارع وانا دموعي مغرقة وشي .
كنت حاسة ان في ناس بتبصلي وانا ماشية ببكي في الشارع وناس
بتسألني مالك وناس عايزة تساعدني لكن انا مش شايفة اي حد ولا سامعة اي حاجة .
مش شايفة قدامي! مش بفكر الا في ازاي انا كنت مغفلة للدرجة دي !!!!
يا تري مين فيهم اللي بدأ
للدرجة دي انا ضيعت كل حياتي علشان ناس
ده انا ضيعت حياتي و فلوسي ومجهودي
وبعد ساعات كتير معرفش قد ايه كانت الشمس غابت وبدأ الليل يدخل كنت حسيت بتعب رجليا و لقيت نفسي في مكان غريب .
انا حتي مش عارفة انا فين ولا سيبت العربية فين
قولت لنفسي اني لازم اواجههم .وبعدين انتقم منهم .
اخدت تاكسي وقولتله عنوان البيت وانا في الطريق افتكرت المكان اللي سبت فيه العربية روحت مكان العربية نزلت من التاكسي وركبت عربيتي وبصيت في التليفون لقيت مكالمات فائتة كتير .
للكاتب عادل عبد الله
الحلقة الرابعة اتصلت بيها لكن اول ما سمعت صوتها ضعفت ولساني عجز انه يتكلم !!
وصلت البيت وقعدت وقررت اني اواجه علاء اول لما يرجع .
لكن بردو بمجرد ما دخل البيت كل ما احاول اتكلم كان لساني بحس انه عاجز ومش قادرة اتكلم ولا عارفة هقوله ايه !!!
علاء اول لما شافي سألني مالك في اي انا اول مرة اشوفك بالشكل ده !!!
مكنتش عارفة ارد ولا اتكلم الكلام في دماغي لكن كل ما احاول انطق لساني .
في الاخر كدبت و قولتله ان في حرامية حاولوا
يخطفوني النهاردة بالعربية .
انزعج اوي وسألني وعملتي ايه قولتله الحمد لله ربنا ستر .
سألني اذا كنت عملت محضر في قسم الشرطة قولتله لأ لأني تعبانة من الصدمة .
قالي لازم نعمل محضر علشان المجرمين دول يتمسكوا .
قولتله فعلا لازم كل مچرم يأخد جزاؤه .
وبعد فترة بكاء لأحلام اثناء التسجيل الصوتي لها كملت كلامها ….
انا عايزة اي حد بيسمعني يقول كان ممكن يعمل ايه لو مكاني .
المهم اني مقدرتش اواجههم فقررت اني لازم اخد بناتي وفلوسي وابعد خالص
تاني يوم روحت الشغل وكل اللي يشوفني يسألني مالك .
كان واضح عليا اوي ان عندي مشكلة كبيرة .
اي حد يسألني مالك كنت بقول اني تعبانة الا ماجد لما سألني طلبت منه اننا نقعد نتكلم بعد الشغل .
وفعلا بعد الشغل روحت انا وماجد وقعدنا في كافيتريا .
واول ما قالي مالك في ايه انهرت من العياط .
حاول يهديني لكن
فضلت كتير اعيط كنت عايزة احكيله لأني كنت حاسه من كلام اثناء سفرنا انه انسان كويس فعلا .
لكن بردو لساني عجز انه ينطق ويحكي اللي حصل .
وبعد طول بكاء كان مصمم
انه يعرف في ايه قولتله انت لما كلمتني انك عاوزني اتطلق من جوزي ونتجوز كنت بتتكلم جد
رد وقالي ايوه طبعا انتي متعرفيش انتي ايه بالنسبالي ايه
بس اللي حصل احكيلي
قولتله حصلت مشكلة كبيرة بيني وبين جوزي وخلاص كده
لازم نتطلق بس بناتي هيعيشوا معايا .
لكن للاسف بردو كنت غلطانه اول لما ماجد حس بضعفي واحتياجي له او يمكن لما قولتله ان بناتي هيكونوا معايا كان عاوز يستغل الموقف وعرض عليا اني اعيش معاه في بيته لحد ما اتطلق .
قررت اني مش اعتمد علي حد غير نفسي لكن اول حاجة لازم ارجع فلوسي منه لكن مش عارفة ازاي !!
وفي نفس الوقت احاول اقرب لبناتي اوي .
حاولت مع بناتي كتير و انا راجعة من الشغل اجيبلهم الحاجات اللي بيحبوها كانوا بيفرحوا لكن بردو استمر الحاجز اللي بينا .
غلطة عمري اني بعدت عن بناتي واهتميت بشغلي اكتر من اي حاجة تانية .
رغم اني عملت كده علشانهم لكن لأنهم صغيرين مفهموش .
ولما حبيت اخدهم
فكرت في حيلة اعملها علشان اخد الفلوس بتاعتي اللي مع علاء وفي نفس الوقت اخد البنتين وابعد بعيد عنهم خالص .
قولتله اني عرفت من زميلتي في الشغل ان ممكن ندفع فلوس العملية اللي المفروض يعملها في رجله في اوروبا علي جزئين النص قبل العملية والنص التاني كقرض بنكي ونسدده علي اقساط لأن تكلفتها ملايين .
و طلبت منه الفلوس علشان هسافر تبع الشغل واحجز له العملية وانا هناك .
كانت حيلة مني علشان اخد فلوسي اللي معاه واخد البنتين كأني هفسحهم معايا وامشي من حياتهم خالص واعيش بعيد واربي بناتي . لكن علاء قالي انه مش هيدفع الفلوس الا لما يسافر معايا ويشوف المستشفي اللي هيعمل فيها العملية .
عرفت من طريقة كلامه ان مش سهل اني امسك فلوس
منه لأنه حريص اوي علي الفلوس .
حتي البنات كل ما اقرب منهم كانوا بيبعدوا عني .الفجوة اللي حصلت بينا صعب انها تتعالج .
اسودت الدنيا في عينيا اكتر خلاص اتأكدت انهم اخدوا مني كل حاجة بناتي وفلوسي وعمري
كانت ڼار جوايا
مش هتنطفي ابدا الا لما انتقم منهم وكان لازم امـ,ـوتهم هما الاتنين !!
وانا كنت عاوزة اخد حقي من الاتنين يمكن الڼار اللي جوايا تهدا .
فكرت في اكتر من طريقة
للكاتب عادل عبد الله
الحلقة الخامسة الأخيرة
فكرت في اكتر من طريقة
نزلت وروحت شغلي زي كل يوم و في الوقت اللي انا عارفة ان البنتين في المدرسة .
روحتلها البيت وقولتلها ان حصلي مشكلة كبيرة في الشغل واتصلت بعلاء وقولتله تعالي بسرعة علشان في مشكلة كبيرة في الشغل
بعد نص ساعة علاء كمان وصل وقالولي
اتكلمي في ايه
قولتلهم نشرب قهوة الاول علشان اعرف اتكلم .